काठमाडौं । निर्वाचन आयोगले बोलाएको सर्वदलीय बैठकमा साना दलहरू आयोगविरुद्ध होहल्ला र नाराबाजी गरेका छन् ।

स्थानीय तहको निर्वाचन आचारसंहितामा लिखित प्रतिबद्धता जनाउन आयोगले बिहान ११ः३० मा सर्वदलीय छलफल राखेको थियो ।
आफूहरूलाई बोल्ने समय नदिएको भन्दै प्रतिनिधिहरूले आयोगविरुद्ध नाराबाजी गरेका हुन् ।

आफैँले बोलाएको बैठकमा परिस्थिति असहज भएपछि प्रमुख निर्वाचन आयुक्त दिनेशकुमार थपलियाले संयमित हुन पटक–पटक आग्रह गरेपनि दलका प्रतिनिधिहरूले अटेरी गरेका थिए ।

स्वीकृत आचारसंहिता प्रभावकारी कार्यान्वायन गर्नका लागि निर्वाचनमा भाग लिने ७९ राजनीतिक दलहरूसँग आयोगले लिखित प्रतिबद्धता मागेको छ ।