काठमाडौं । नेपाल टेलिकमले लिखित परीक्षाको प्रथम र द्धितीय पत्र तालिका सार्वजनिक गरेको छ । मंगलबार एक सूचना जारी गर्दै टेलिकमले अलग-अलग मितिमा परीक्षा कार्यक्रमको तालिका सार्वजनिक गरेको हो ।

प्रकाशित तालिकाअनुसार परीक्षा २०७९ जेठ २० गतेबाट सञ्चालन हुँदै छ । खुला तथा समावेशी प्रतियोगिात्मक परीक्षामार्फत पदपूर्ति समितिको पूर्व प्रकाशित विज्ञापन अनुसार विभिन्न पदको लिखित परीक्षा सञ्चालन लोक सेवा आयोगले निर्धारण गरेको छ ।

टेलिकमका अनुसार परीक्षाको किसिम खुला, खुला तथा दलित, खुला तथा समावेशी, महिला, खुला तथा महिलाअन्र्तगत विभिन्न तहमा हुन लागेको हो । टेलिकमले केही लिखित परीक्षाकोे मात्रै परीक्षा केन्द्र तोकेको छ भने बाँकीको पछि प्रकाशित गरिने जनाएको छ ।

थप जानकारीका लागि परीक्षार्थीले टेलिकम र लोकसेवा आयोगको वेबसाइट मार्फत हेर्न सक्नेछन् ।