वाशिंटन । अमेरिकी विदेश मन्त्री एन्टोनी ब्लिंकेनले युक्रेनमा रुसले गरेको बर्बरताको रिपोर्ट सार्वजनिक भएपछि युक्रेनलाई १० करोड अमेरिकी डलर सहयोग गर्ने घोषणा गरेको छ ।

ब्लिंकेनले भने, ‘युक्रेनको अतिरिक्त सुरक्षा (आर्मर) प्रणालीको आवश्यकताको लागी अमेरिकाले १०० मिलियन डलर (१० करोड डलर) सम्म सुरक्षा सहायता प्रदान गर्नेछ।’

यसबाहेक चेक गणतन्त्रले युक्रेनलाई युद्ध हतियार सहयोग पठाएको छ । चेक गणतन्त्र रूससँग युद्ध लडिरहेको युक्रेनलाई हतियार सहायता पठाउने पहिलो युरोपेली देश बनेको छ ।

वरिष्ठ चेक अधिकारीहरूले रोयटर्स समाचार एजेन्सीलाई उक्त देशले युक्रेनमा सोभियत निर्मित टि–७२ ट्यांक र बिविपी–१ गाडीहरू पठाएको बताए । मिडिया रिपोर्टमा पाँचवटा ट्यांक र पाँच लडाकू गाडीहरू युक्रेनको लागि जाँदै गरेको रेल देखाइएको छ ।