काठमाडौं । मुलुकको आर्थिक अवस्थाका बारेमा पार्टीको धारणा सार्वजनिक गर्न प्रमुख प्रतिपक्षी एमालेले तीनजना पूर्वअर्थमन्त्रीहरूको उपस्थितिमा पत्रकार सम्मेलन गर्ने भएको छ ।

आइतबार दिउँसो १२ः ३० बजे ललितपुरको कुपण्डोलस्थित होटल हिमालयमा हुने पत्रकार सम्मेलनमा पूर्वअर्थमन्त्री विष्णुप्रसाद पौडेल, सुरेन्द्र पाण्डे र डा. युवराज खतिवडा सहभागी हुने प्रचार विभाग उपप्रमुख विष्णु रिजालले जानकारी दिएका छन् ।

खस्किदो अर्थतन्त्र उकास्न राम्रो काम गरिराखेका राष्ट्र बैंकका गर्भनर महाप्रसाद अधिकारीलाई सरकारले निलम्बन गरेको एमालेले आरोप लगाएको छ ।
विपक्षी एमालेसँग मिलेर सरकारलाई असहयोग गरेको आरोप लगाउँदै शुक्रबार गर्भनर अधिकारीलाई सरकारले निलम्बन गरेको थियो ।