NepalWatch

News Portal For Eeverything In Nepal from Nepal

२०८१ वैशाख २ गते

इमरान खानका सल्लाहकारलाई देश छोड्न रोक

इस्लामाबाद । पाकिस्तानको संघीय अनुसन्धान एजेन्सी (एफआइए) ले पूर्वप्रधानमन्त्री इमरान खानका पूर्वसल्लाहकार र मुख्य सचिवजस्ता अधिकारीहरूलाई देश छोड्न नपाउने गरी रोक लगाएको छ । खानका विशेष सहयोगी शाहबाज गिल र शहजाद अकबरको नाम पनि स्टप लिस्टमा समावेश गरिएको छ ।

यसबाहेक पूर्वमुख्य सचिव आजम खान, पिटिआइका सामाजिक सञ्जाल प्रमुख अर्सलान खालिद र मोहम्मद रिजवानको नाम पनि नो फ्लाई लिस्टमा राखिएको छ । पञ्जाबका महानिर्देशक गौहर नफीसको नाम पनि सूचीमा छ । शनिबार इमरान खान सरकारबाट बाहिरिएपछि यो कारबाही गरिएको हो ।

एग्जिट कन्ट्रोल लिस्ट (इसिएल) मा कसैको नाम राख्न बढी समय लाग्ने भएकाले एफआइएले सन् २००३ मा छोटो समयमै काम गर्न सक्ने गरी स्टप लिस्ट ल्याएको थियो ।

पाकिस्तानमा सोमबार नयाँ प्रधानमन्त्रीका लागि निर्वाचन हुँदैछ र एमएलएनका शाहबाज शरीफ नियुक्त हुने लगभग निश्चित छ । शनिबार राति राष्ट्रिय सभामा इमरान खान सरकारविरुद्ध पेश भएको अविश्वास प्रस्तावमा मतदान भएको थियो, जसमा १७४ सदस्यले प्रस्तावको पक्षमा मतदान गरेपछि खानको सरकार पतन भएको थियो ।

आइतबार उनको पार्टी पाकिस्तान तेहरिक ए इन्साफ (पिटिआई) ले इमरान खानको समर्थनमा देशभर प्रदर्शन गरेको थियो । कराँची र लाहोरमा खानका हजारौं समर्थकले नाराबाजी गरेका थिए ।

पाकिस्तानको संसदमा झडप

को बन्दैछ पाकिस्तानको नयाँ प्रधानमन्त्री ?

ताजा अपडेट

नेपालवाच विशेष