काठमाडाैं । अख्तियार दुरूपयोग अनुसन्धान आयोगले २ जनालाई ३ लाख घुससहित नियन्त्रणमा लिएको छ । अख्तियारले आज रौतहटस्थित श्री विश्‍वेश्‍वर प्रसाद कोइराला आदर्श माध्यमिक विद्यालयका प्रधानाध्यापक राकेश कुमार ठाकुर र दिपेन्द्र सर्जिकल पसलका सञ्चालक दिपेन्द्र कुमार झालाई घुससहित नियन्त्रणमा लिएको हो ।

प्रधानाध्यापक ठाकुरले करार अवधि थप गर्नको लागि सेवाग्राहीसँग ३ लाख घुस मागेको भन्ने उजुरीको आधारमा अख्तियारको टोलीले अनुसन्धान गर्दा दुबै जनालाई सेवाग्राहीबाट तीन लाख रुपैयाँ घुस लिइसकेको अवस्थामा नियन्त्रणमा लिएको अख्तियारले जनाएको छ ।

अख्तियारका अनुसार उनीहरूलाई नियन्त्रणमा लिई थप अनुसन्धान भइरहेको छ ।