काठमाडौं । चिकित्सा शिक्षा प्रमाणपत्र प्राप्त नभइ क्लिनिक सञ्चालन गरेको अभियोगमा दुईजना पक्राउ परेका छन् ।

पक्राउ पर्नेमा मोरङ पथरी–शनिश्ररे १ स्थित श्रीराम पाइल्स क्लिनिकका सञ्चालक भारतको दार्जिलिङ घर भएका २७ वर्षीय पर्सनजित बर्मन र सुन्दरहरैचा ३ गछिया चौकमा कल्पना आयुर्वेदिक क्लिनिक सञ्चालन गर्दै आएका दार्जिलिङकै २९ वर्षीय सनोड मण्डल रहेका छन् ।

प्रहरीका अनुसार डाक्टर हुँ भन्दै क्लिनिक सञ्चालन गरेर ठगी गरिहेको सूचनाका आधारमा उनीहरूलाई सोमबार पक्राउ गिरएको हो ।

उनीहरूलाई जिल्ला अदालतले पाँचदिन म्याद थप गरी अनुसन्धान गरिरहेको जिल्ला प्रहरी कार्यालय मोरङले जनाएको छ ।