नबिल बैंकको एकै दिन १४ नयाँ शाखा विस्तार

एनपीएलमा एक्स्ट्रीमको रौनक, सात टिमको स्पेशल क्यान सबैको हातमा

नबिल बैंकको एकै दिन १४ नयाँ शाखा विस्तार

नेपालवाच २०७९ वैशाख १६ गते १२:०३

काठमाडौं । नबिल बैंकले एकै दिन १४ नयाँ शाखा कार्यालयको उद्घाटन गरेको छ । बैंकले बिहीबार ती १४ वटै शाखा उद्घाटन गरेको हो । बैंकले धुम्बाराही, जीतपुर, दुवाकोट, गुसिंगाल, इमाडोल, थली र चिसापानीमा नयाँ शाखा उद्घाटन गरेको हो ।

त्यस्तै बैंकले पुष्पलाल चोक मोरङ, मुर्गिया रुपन्देही, खैरेनी रुपन्देही, झुम्का सुनसरी, महेन्द्रनगर धनुसा, ढल्केबर धनुसा र दहचोक काठमाडौं गरी १४ शाखा कार्यालयको उद्घाटन गरेको बैंकले जनाएको छ ।

बैंकका अनुसार नयाँ शाखा कार्यालयसहित बैंकको कुल शाखा कार्यालय १४८ पुगेको छ । बैंकले हाल १८८ एटिएम र १५०० भन्दा बढी देशभर बैंकिङ सेवा दिँदै आएको छ ।