काठमाडौं । मोरङका प्रहरी उपरीक्षक (एसपी) शान्तिराज कोइरालाले विराटनगरको सीमावर्ती क्षेत्रमा भारतीय सीमा सुरक्षा बल (एसएसबी)ले गोली चलाएको विषय आफूलाई थाहा नभएको प्रतिक्रिया दिएका छन् ।

नेपालवाचसँग कुरा गर्दै उनले सीमापारी घटेको घटना आफ्नो कार्यक्षेत्रको नपर्ने भएकाले केही बोल्न नमिल्ने प्रतिक्रिया दिए ।

‘यसबारे मलाई जानकारी छैन । पारीतिरको विषय हो । आफ्नो कार्यक्षेत्रभित्र परेन’, उनले भने ।

आज दिउँसो नेपाल–भारत सीमा क्षेत्रमा सुरक्षा बलका जवानले करिब तीन राउण्ड गाेली चलाएका थिए ।

स्थानीयका अनुसार नेपाल–भारत सीमा क्षेत्रअन्तर्गत विराटनगर महानगरपालिका–१८ इस्लामपुरनजिक गोली चलेको हो ।

विराटनगरको सीमावर्ती क्षेत्रमा भारतीय एसएसबीले गोली चलायो