दुर्घटनामा परेर सुर्खेतमा सहायक मतदान अधिकृतको मृत्यु

नेपालवाच २०७९ वैशाख ३१ गते १०:४३

वीरेन्द्रनगर । वीरेन्द्रनगर नगरपालिकामा खटिएका सहायक मतदान अधिकृतको दुर्घटनामा परेर मृत्यु भएको छ ।

स्थानीय निर्वाचनमा वीरेन्द्रनगर ३ मा रहेको हरि डिलभूमि माध्यमिक विद्यालयको मतदान केन्द्रमा खटिएका ४० वर्षीय हृदयराम ढकालको मोटरसाइकल दुर्घटनामा परी मृत्यु भएको हो ।

वीरेन्द्र नगरपालिका ८ मा मोटरसाइकल दुर्घटना हुँदा उनको घटनास्थलमै मृत्यु भएको प्रहरीले जनाएको छ ।