सिन्धुपाल्चोक । सिन्धुपाल्चोकको भोटेकोशी गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार पासाङ नाेर्बु लामा र दिछेन शेर्पा निर्वाचित भएका छन् ।

पासाङ नाेर्बुले २ हजार ६०५ मत र उपाध्यक्षमा निर्वाचित दिछेन शेर्पाले २ हजार ७१२ मत ल्याएका छन् ।

अध्यक्ष पदका लागि प्रतिस्पर्धी नेकपा एमालेका उम्मेदवार अमृत कुमार खड्काले २ हजार ४८ मत पाएका छन् । माओवादी केन्द्रका उम्मेदवार राज कुमार पौडेलले १ हजार ९१८ मत पाए ।

यसैगरी उपाध्यक्ष पदमा प्रतिस्पर्धी नेकपा एमालेकी सुन्तली माया श्रेष्ठले २ हजार ५५३ मत पाएकी छन् । यसैगरी माओवादी केन्द्रकी उपाध्यक्ष उम्मेदवार आशा गुरुङ शेर्पाको पक्षमा १ हजार ६१२ मत परेको छ ।