श्रीलंकाले कर्मचारीलाई तलब दिन सकेन, पैसा छाप्ने तयारी
काठमाडौं । श्रीलंकामा कर्मचारीलाई तलब तथा ज्याला दिने पैसा छाप्न सरकारले अनुमति दिएको छ । पछिल्लो ७० वर्षयताकै सर्वाीधक खराब आर्थिक संकटबाट गुज्रिरहेको यहाँ पैसाको पनि अभाव भएको छ ।
एक टेलिभिजन सम्बोधनमार्फत प्रधानमन्त्री रनिल विक्रमासिंघले तलब तलब तथा ज्याला भुक्तानीका लागि केन्द्रीय बैंकलाई आफूले निर्देशन दिएको बताएका छन् ।
श्रीलंकामा अहिले अत्यावश्यकीय वस्तुहरू पेट्रोलियम पदार्थ अभाव छ । पेट्रोल पम्प बाहिर नागरिकका सवारी साधनका लामालामा लाम लागिरहेका छन् ।
प्रधानमन्त्री विक्रमासिंघले अब १ दिनका लागि मात्रै पेट्रोल सञ्चित रहेकाले अबको दुई महिना जीवनकै सबैभन्दा कष्टकर समय सुरु हुने बताएका छन् ।
पेट्रोलियम पदार्थलगायत वस्तु अभाव रहे पनि आयातका लागि श्रीलंकामा विदेशी मुद्रा अभाव छ । प्रधानमन्त्री विक्रमासिंघले देशलाई ७ करोड ५० लाख डलर विदेशी मुद्रा आवश्यक रहेको बताएका छन् ।
आर्थिक संकट, मूल्य वृद्धिलगायत समस्या निम्तिएपछि श्रीलंकामा राष्ट्रपति गोटाबय राजपक्ष र उनको परिवारविरुद्ध प्रदर्शन भइरहेका छन् । केहीले हिंसात्मक रूप लिएका छन् । आन्दोलन चर्किएपछि गत सातामात्रै राष्ट्रपतिका दाइ महिन्द्र राजापपक्षले पदबाट राजीनामा दिएका थिउ ।
ताजा अपडेट
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
-
बजेटमा चलखेल गर्ने चर्चित पूर्वनासुलाई अदालतले दियो सफाइ
-
काठमाडौं महानगरपालिकले लोक सेवाको तयारी कक्षा निशुल्क चलाउने
प्रतिक्रिया