काठमाडौं । धनगढी उपमहानगरपालिकाका स्वतन्त्र उम्मेदवार गोपाल हमालले आफ्नो अग्रता दोब्बर पारेका छन् ।

मतगणनाको सुरुवातदेखि नै अग्रता लिँदै आएका हमालले ४२ हजार ३३० मतगणना हुँदा आफ्नो अग्रता दोब्बर पारेका हुन् ।

प्राप्त पछिल्लो मतपरिणामअनुसार, हमालले १९ हजार १४७ मत ल्याएका छन् । कांग्रेसका नृपबहादुर ओडको पक्षमा ९ हजार ५५७ मत मात्रै खसेको छ ।

हमाल र ओडबीचको मत अन्तर ९ हजार ५५७ छ ।

नेकपा एमालेका रणबहादुर चन्दले ४६६४ मत हासिल गरेका छन् ।

उपमेयरतर्फ माओवादी केन्द्रकी शान्ति अधिकारीले ८८१५ मत हासिल गरेकी छन् । एमालेकी चन्दकला रानाले ८१४१ मत पाएकी छन् ।

स्वतन्त्र उम्मेदवार प्रभाकर भण्डारीको मत ५०३६ छ ।