काठमाडौं । काठमाडौं महानगरपालिकाको जारी मतगणनामा आफ्नो फराकिलो अग्रता बनाउँदै आएका मेयरका स्वतन्त्र उम्मेदवार बालेन साहले त्यसलाई यथावत् राखेका छन् ।

प्राप्त पछिल्लो मत परिणामअनुसार, साहले स्थापितभन्दा १५६८१ बढी मत हासिल गरेका छन् । बालेनले ३३२६० मतका साथ लिड गरिरहँदा स्थापितले १७ हजार ६९२ र सिर्जनाले १७५७९ मत प्राप्त गरेका छन् ।

काठमाडौं महानगरपालिकामा हालसम्म ९० हजार २९२ मतको गणना सम्पन्न भइसकेको छ ।