पोखरामा एमालेलाई धक्का, मेयरमा धनराज आचार्य विजयी
काठमाडौं । अन्ततः एमालेको गढ भत्काउँदै पोखरा माहानगरपालिकाको मेयरमा एकीकृत समाजवादीका उम्मेदवार धनराज आचार्य विजयी भएका छन् ।
गठबन्धनबाट उम्मेदवारी दिएका आचार्य ५८ हजार ८९३ मत ल्याएर विजयी भएका हुन् । उनका निकटतम प्रतिस्पर्धी एमालेका कृष्ण थापाले ५२ हजार ८४८ मत पाएका छन् । आचार्यको मतान्तर ६ हजार ४४५ रहेको छ ।
उपमेयरमा एमालेकी मञ्जुदेवी गुरुङ दोस्रो पटक विजयी भएकी छन् । गुरुङले ६० हजार ५४६ मत ल्याउँदा उनका निकटतम प्रतिस्पर्धी कांग्रेसका कोपिला रानाभाटले ५६ हजार ६६३ मत पाइन् ।
काठमाडौंपछिको सबैभन्दा धेरै मतदाता भएको महत्वपूर्ण महानगरमा आफूबाट विभाजित शक्तिले शान्दार जित निकाल्दा एमालेलाई ठूलो धक्का लागेको छ । गत निर्वाचनमा मेयर र उपमेयर दुवै पदमा एमाले विजयी भएको थियो ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया