काठमाडौं । काठमाडौं महानगरपालिकाले फोहर व्यवस्थापनबारे अध्ययन गर्न कार्यदल गठन गरिएको छ ।

आज बसेको नगर कार्यपालिकाको पहिलो बैठकले मेयर बालेन शाह र उपमेयर सुनीता डंगोलसमेत रहेको कार्यदल गठन गर्ने निर्णय गरेको हो ।

कार्यदलले चाँडै काम सुरु गर्ने बताइएको छ ।

मेयर शाहले कार्यपालिका बैठकमा तत्काल फोहर व्यवस्थापन र भौतिक पूर्वाधार एम्बुलेन्स सञ्चालन गर्ने प्रस्ताव गरेका थिए ।

उनले तीन दिनदेखि उठ्न नसकेको काठमाडौंको फोहर तत्काल व्यवस्थापन गर्ने र सडकमा पर्ने खाल्डाखुल्डी पुर्ने, ढल निकास गर्ने जस्ता काम सक्दो छिटो गर्न प्रस्ताव गरेका हुन् ।

बालेनले ३२ जना वडाध्यक्षलाई भने, ‘वडाको मेयर तपाईँ नै हो’ – NepalWatch

उनले कार्यपालिका सदस्यहरूमाझ तत्काल दुईवटा भौतिक पूर्वाधार एम्बुलेन्स सुरु गर्न र नागरिकको समस्या समाधानका लागि कल सेन्टरको स्थापना गर्ने र त्यसमार्फत नागरिकको समस्या तत्काल सुन्ने अभ्यासमा जानुपर्ने धारणा राखे ।

मेयर शाहसहितका जनप्रतिनिधिले शपथ लिएपछि आज पहिलो बैठक बसेको हो । बैठकको मेयर शाहको निर्देशानुसार प्रत्यक्ष प्रशारण गरिएको छ । सडकमा थन्किएको फोहर व्यवस्थापन नभएसम्म माला खादा नलगाउने मेयर शाहले घोषणा गरेका छन् ।

यी हुन् काठमाडौंका मेयर शाहले पहिलो कार्यपालिकाको बैठकमा उठाएका विषय – NepalWatch