पेट्रोल, डिजेल र मट्टितेलको मूल्य घट्यो, ग्यास र हवाई इन्धनको घटेन
काठमाडौं । नेपाल आयल निगमले पेट्रोल, डिजेल र मट्टितेलको मूल्य घटाएको छ । आज बसेको निगम सञ्चालक समितिको बैठकले पेट्रोल, डिजेल र मट्टितेलमा प्रतिलिटर १० रुपैयाँले मूल्य घटाउने निर्णय गरेको हो ।
सरकारले पूर्वाधार कर घटाउने निर्णय गरेसँगै मूल्य पनि घटाइएको निगमले जनाएको छ । अब पेट्रोलको मूल्य प्रतिलिटर १७० र डिजेल तथा मट्टितेलको मूल्य १५३ रूपैयाँ पर्नेछ ।
अन्तर्राष्ट्रिय बजारमा पेट्रोलको मूल्य बढ्दै जाँदा उच्च दरको करका कारण मूल्य पनि आकाशिएको थियो । उपभोक्ता मारमा परेका थिए । यसको गर्दा यसको चौतर्फी आलोचना भइरहेको थियो ।
खाना पकाउने ग्यास र हवाई इन्धनको मूल्य भने यथावत रहेको निगमले जनाएको छ ।
प्रतिक्रिया