काठमाडौं । काठमाडौं महानगरपालिकाका प्रमुख बालेन्द्र शाह (वालेन) ले नेकपा (माओवादी केन्द्र) का अध्यक्ष पुष्पकमल दाहाल प्रचण्डसँग भेटवार्ता गरेका छन् ।

प्रधानमन्त्री र राजनीतिक दलको नेतृत्वसँग भेटघाट गरिरहेका वालेनले शनिबार बिहान खुमलटार पुगेर प्रचण्डलाई भेटेका हुन् ।

यसअघि पनि उनले एमाले अध्यक्ष केपी शर्मा ओली र प्रधानमन्त्री एवं कांग्रेस सभापति शेरबहादुर देउवासँग  यसैगरी भेटवार्ता गरेका थिए ।

शनिबार बिहान खुमलटारस्थित निवासमा आएर बालेनले आफ्नो पार्टीका अध्यक्षलाई भेटेको प्रचण्डका स्वकीय सचिव रमेश मल्लले जनाएका छन् ।

भेटमा प्रचण्डले वालेनलाई काठमाडौं महानगरपालिकाको मेयरमा निर्वाचित भएकोमा बधाई दिएका थिए । जनता नै सर्वोपरी भएकाले उनीहरूको हितमा काम गर्न प्रचण्डले सुझाव दिएको उनको सचिवालयले जनाएको छ ।

वालेनले राष्ट्रिय राजनीतिमा प्रचण्ड निर्णायक रहेको उल्लेख गर्दै गठबन्धनको तर्फबाट आफूले सहयोगको अपेक्षा राखेको बताएका थिए । जवाफमा प्रचण्डले साथ सहयोग रहने प्रष्ट पारेका छन् ।