काठमाठौं । नेकपा(एमाले)का महासचिव शंकर पोखरेलले नेतृत्वको आलोचनाको नाममा आग्रहपूर्ण विचार प्रवाह त्याग्नुपर्ने बताएका छन् ।

उनले मुख्य नेतृत्वलाई लक्षित गरेर आग्रहपूर्ण विचार प्रवाह नगर्ने र पार्टीलाई एकतावद्ध बनाउने काममा इमान्दारीतापूर्वक लाग्ने हो भने पार्टीको भविष्यको चिन्ता गर्नुपर्ने अवस्था नभएको टिप्पणी गरेका हुन् ।

‘नेतृत्वको आलोचनाको नाममा आग्रहपूर्ण विचार प्रवाह नगर्ने हो र पार्टीलाई एकतावद्ध बनाउने काममा इमान्दारितपूर्वक लाग्ने हो भने पार्टीको भविष्यको चिन्ता गर्नुपर्ने अवस्था छैन’, पोखरेलले बुधबार घुमाउरो शैलीमा फेसबुक स्टाटस लेखेका छन्, ‘मुलुकको विकास र समृद्धिका लागि आवश्यक राष्ट्रिय शक्तिको निर्माण नेकपा(एमाले) भित्रवाटै सम्भव छ ।’

अध्यक्ष केपी ओलीको आलोचना गरेको आरोपमा अनुशासन आयोगले कारवाहीको सिफारिस गरेको अवस्थामा महासचिव पोखरेलले घुमाउरो शैलीमा ओलीको बचाउ गरेका हुन् ।