यी हुन् विश्वका सबैभन्दा कमजोर मुद्रा
विश्वमा सबैभन्दा बढी प्रचलित मुद्रा डलर, युरोको तुलनामा नेपाली रुपैयाँ धेरै कमजोर छ । तर केही यस्ता देशहरू पनि छन्, जसको मुद्रा नेपालको भन्दा कमजोर छ । यहाँ सबैभन्दा कमजोर १० मुद्राबारे उल्लेख गरिएको छ ।
१. भेनेजुएला बाेलिवर
विश्वको सबैभन्दा कमजोर मुद्राको नाम भेनेजुएला बोलिवर हो । यसलाई भिएएफको रूपमा चिनिन्छ, यो भेनेजुएलाको राष्ट्रिय मुद्रा हो । भेनेजुएला आफ्नो प्राकृतिक सौन्दर्यको लागि संसारमा परिचित छ, यसबाहेक भेनेजुएला विश्वको सबैभन्दा ठूलो तेल भण्डार खानी र ठूलो तेल निर्यातकमध्ये एक हो । भेनेजुएलाको मुद्रामा नेपालको १ रुपैयाँ त्यहाँ ४२३८ भिइएफ हुन्छ ।
२. इरानी रियाल
इरानको मुद्राको नाम इरान हो, यसलाई पर्सिया पनि भनिन्छ । इरान ८३ मिलियन जनसंख्या भएको देश हो । जनसंख्याका हिसाबले यो विश्वको १८ औं ठूलो देश पनि हो । इरानमा मानिसहरुले पैसा गन्न सजिलाे बनाउनका लागि तोमन शब्द प्रयोग गर्छन्, यसको अर्थ एक तोमन १० रियाल बराबर हुन्छ भन्ने बुझिन्छ । नेपालको १ रुपैयाँ इरानमा ३ सय हुन्छ ।
३ .भियतनामी दोङ
भियतनामी दोङ भियतनामको राष्ट्रिय मुद्रा हो । यो दक्षिण चीन सागरनजिकैको देश हो । भियतनाम समुद्री तट, नदी, बौद्ध प्यागोडाका लागि परिचित छ । तर यसको मुद्रा विश्वको सबैभन्दा कमजोरमध्ये ३ स्थानमा पर्छ । नेपालको १ रुपैयाँ १८५ भियतनामी दोङ हुन्छ ।
४. इन्डोनेशियाली रुपैयाँ
इन्डोनेशिया टापु मुलुक हो । यो देशमा ७० हजार टापु रहेका छन् । साथै धेरै जनसंख्या भएको देशमध्ये चौथो नम्बरमा पर्छ । यहाँको प्रचलित मुद्रा बारे कुरा गर्दा यो विश्वको चौथों कमजोर मुद्रामा पर्छ । नेपालकाे १ रूपैयाँ त्यहाँ ११७ हुन्छ ।
५. उज्वेकिस्तान सोम
यो सूचीको पाँचौं नम्बरमा मध्य एसियाली मुलुक उज्वेकिस्तानको मुद्रा सोम पर्छ । उज्बेकिस्तान मस्जिद, चिहान, चीन र भूमध्यसागर बीचको पुरानो व्यापार मार्ग सिल्क रोडले जोडिएका अन्य साइटका लागि पनि परिचित छ । मुद्राको कुरा गर्दा त्यहाँ नेपाली १ रुपैयाँको ८८ सोम हुन्छ ।
६. सिएरा लियाेन
सिएरा लियोनको लियोन मुद्रा विश्वको कमजोरमध्येमा पर्छ । सियरा लियोन पश्चिम अफ्रिकाको एट्लान्टिक महासागरमा रहेको देश हो । हिरा, टाइटेनियम, बक्साइट, सुनजस्ता बहुमूल्य वस्तुका लागि यो देश प्रख्यात भए पनि आज पनि यस देशका ६० प्रतिशतभन्दा बढी जनता गरिबीमा जीवन बिताइरहेका छन् । यसको मुद्रा हेर्दा नेपालको १ रुपैयाँको त्यहाँ १०५ हुन्छ ।
७.गिनियन फ्रयांक
यो पश्चिम अफ्रिकी मुलुक गिनीको राष्ट्रिय मुद्रा हो । यो देश एट्लान्टिक महासागरको पश्चिमी क्षेत्रमा रहेको छ । यो देश प्राकृतिक रुपमा पनि उत्कृष्ट मानिन्छ । यो देश हिमाली क्षेत्र, बोटविरुवा र जनावारको संरक्षणमा अगाडि छ । यसको मुद्रा नेपाली एक रुपैयाँको त्यहाँ ७० रुपैयाँ हुन्छ । यो विश्वको सातौं कमजोर मुद्रामध्ये पर्छ ।
८. लाओसियन किप
विश्वको आठौं सबैभन्दा कमजोर मुद्राको बारे कुरा गर्दा यसमा लाओसियन किप पर्छ । लाओस देश दक्षिण पूर्व एसियाली देश हो । यसको राजधानी भेन्टियान हो । लाओस बौद्ध विहार र पहाडी क्षेत्रका लागि बढी प्रसिद्ध छ । नेपाली १ रुपैयाँको लाओसियन किप ११७ हुन्छ । यो विश्वको आठौं कमजोर मुद्रा भए पनि सन् १९५२ देखि प्रचलनमा आएको यसको मूल्य लगातार बढ्दै आएको छ ।
९. पराग्वे गुआरानी
पराग्वे दक्षिण अमेरिकाको सबैभन्दा गरिब देशमध्ये एक हो । यो देशको अर्थतन्त्र सोयाबिन र कटनको निर्यातमा बढी निर्भर छ । तर यसले देशको अर्थतन्त्र धान्न सक्दैन । देश बेरोजगारी, शिक्षाको अवस्था कमजोर, उच्च भ्रष्टाचार र आर्थिक मन्दीले अस्तव्यस्त छ । त्यहाँको मुद्रा पनि कमजोरमध्ये पर्छ । नेपाली १ रुपैयाँ त्यहाँ ५४ रुपैयाँ बराबर हुन्छ ।
१०. कम्बोडियन रियाल
कम्बोडिया विश्वमा हरियाली र पुरानो सभ्यताका लागि परिचित छ तर त्यहाँको राष्ट्रिय मुद्राका बारेमा कुरा गर्दा यो कमजोर मुद्रामध्येमा पर्छ । नेपालको १ रुपैयाँ बराबर कम्बोडियामा ३२ रियाल हुन्छ । त्यहाँको स्थानीय व्यक्तिहरुले धेरै अमेरिकी डलर प्रयोग गर्नाले यो मुद्रा सस्तो भएको हो । कम्बोडियालीहरु ऋार्थिक कारोबार र लेनदेनका लागि अमेरिकी डलर प्रयोग गर्छन् ।
प्रतिक्रिया