NepalWatch

News Portal For Eeverything In Nepal from Nepal

२०८० फागुन ९ गते

रविले पार्टी खोलेपछि रवीन्द्रको यस्तो सन्देश

काठमाडौं । विवेकशील साझा पार्टीका निवर्तमान अध्यक्ष रवीन्द्र मिश्रले सञ्चारकर्मबाट विदा दिँदै पार्टी खोलेका रवि लामिछानेलाई शुभकामना दिएका छन् ।

पूर्वपत्रकारसमेत रहेका मिश्रले पार्टी निर्माणका क्रममा आफूहरूले गरेका गल्तीबाट सिक्न लामिछानेलाई आग्रह गरेका छन् ।

‘‘प्रिय रवि, तिमी सानै हुँदादेखि चिनेकोले मैले ’तिमी’ भनेर सम्बोधन गर्ने थोरै मान्छेमा पर्छौ तिमी । मैले आशा गरेका थोरै मान्छेमा पर्छौ तिमी । पार्टी निर्माणको क्रममा हामीले गरेको कमजोरीबाट धेरैभन्दा धेरै सिक्ने प्रयास गर । तिम्रो सफलताका लागि हृदयदेखि शुभकामना व्यक्त गर्दछु !’’ उनले सामाजिक सञ्जालमा लेखेका छन् ।

लामिछानेले आजै मात्र राष्ट्रिय स्वतन्त्र पार्टी नाम नयाँ दल गठन गरेका छन् ।

मिश्रले भने गत स्थानीय चुनावमा पार्टीले भोगेको पराजयको नैतिक जिम्मेवारी लिँदै विवेकशील साझाको अध्यक्ष पदबाट राजीनामा दिएका थिए ।

दल दर्ता गर्न निर्वाचन आयोग पुगे रवि लामिछाने – NepalWatch