काठमाडौं । पूर्वप्रधानमन्त्री डा. बाबुराम भट्टराईले बढ्दो महँगी नियन्त्रण गर्न सरकारले पहल नगरेकोमा असन्तुष्टि जनाएका छन् ।

दलका नेता सत्ता र समिकरणमा लिप्त हुँदा अचाक्लि महँगीले जनताको ढाड भाँचिएको उनले जिकिर गरे ।

‘हाम्रा दल÷नेता सत्ता÷गठबन्धनको अरिथमेटिकमा लिप्त रहनु तर अर्थतन्त्र र मूल्यवृद्धिको अलजेब्रा÷क्यालकुलसमा अनिच्छुक र कमजोर रहनु विडम्बनापूर्ण छ’, बुधबार सामाजिक सञ्जाल ट्वीटरमा लेखेका छन्, ‘विशेषतः इन्धनमा मूल्यवृद्धिले उत्पादन,ढुवानी,यातायातको लागत बढाएर सबैतिर महँगी बढ्छ ! यो अचाक्ली महँगीले जनताको ढाड भाँच्चिदैछ । खै सरकारी पहल ?’

सरकारले आइतबारबाट लागु हुने गरी इन्धनमा मुख्यवृद्धि गरेपछि सरकारको चौतर्फी विरोध भइरहेको छ ।

हाम्रा दल/नेता सत्ता/गठबन्धनको अरिथमेटिकमा लिप्त रहनु तर अर्थतन्त्र र मूल्यवृद्धिको अलजेब्रा/क्यालकुलसमा अनिच्छुक र कमजोर रहनु विडम्बनापूर्ण छ।विशेषतः इन्धनमा मूल्यवृद्धिले उत्पादन,ढुवानी,यातायातको लागत बढाएर सबैतिर महॅगी बढ्छ!यो अचाक्ली महॅगीले जनताको ढाड भाॅचिदैछ।खै सरकारी पहल? pic.twitter.com/HUyS0gFKjB

— Baburam Bhattarai (@brb1954) June 22, 2022