काठमाडौं । नेपाल प्रहरीका १७ जना वरिष्ठ उपरीक्षक (एसएसपी) को बढुवा सिफारिस भएको छ ।

बुधबार राति गृह मन्त्रालयमा बसेको बढुवा समितिको बैठकले १७ एसएसपीको प्रहरी नायब महानिरीक्षक (डीआईजी) मा बढुवा सिफारिस गरेको हो ।

बढुवा हुनेहरुमा बसन्तबहादुर कुँवर, टेकप्रसाद राई, अशोक सिंह, दीपक थापा र श्यामलाल ज्ञवाली, किरण बज्राचार्य, सन्दीप भण्डारी, सुदीप गिरी, मीरा चौधरी, टेकबहादुर तामाङ र उमेशराज जोशी छन् । त्यसैगरी भीमप्रसाद ढकाल, रामदत्त जोशी, पोषराज पोखरेल, बुद्धिराज गुरुङ, दुर्गा सिंह र किरण राणा पनि बढुवा सिफारिसमा समेटिएका छन् ।