काठमाडौं । पोखरामा चिनियाँ नागरिकले चलाएको एक कम्पनीमा प्रहरीले छापा मारेको छ ।

जिल्ला प्रहरी कार्यालय, कास्कीको टोलीले पोखरा–१७, ड्यामसाइटमा घर भाडामा लिएर राखिएको कार्यालयमा बिहीबार छापा मारेको हो ।

सो कार्यालयमार्फत साइबर अपराध जोडिएका गतिविधि भइरहेको आशंकामा प्रहरीले छापा मारेको बताइएको छ ।

प्रहरीले कम्पनीमा कार्यरत तीनजना चिनियाँ र ७५ नेपाली नागरिकलाई सोधपुछ गरिरहेको स्रोतले जनाएको छ ।