काठमाडौं । माओवादी केन्द्रका अध्यक्ष पुष्पकमल दाहाल प्रचण्डले नुवाकोटको ककनीमा आफ्ना स्वर्गीय छोरा प्रकाश दाहालको सालिक
अनावरण गरेका छन् ।

प्रकाशको स्मृति दिवसको अवसरमा प्रचण्ड बुहारी विना मगरसहित शुक्रबार ककनी पुगेका हुन् । उनले ककनी गाउँपालिका–६ स्थित अन्तर्राष्ट्रिय स्मृति पार्कमा निर्माण भएको प्रकाशको अर्धकदको सालिक अनावरण गरे ।

‘लुम्बिनी सगरमाथा शान्ति अभियान’ को नामले शान्ति र संविधानको सन्देश प्रवाह गर्न प्रकाशको महत्वपूर्ण भूमिका रहेको भन्दै नेपाल पर्वतारोहण संघले उनको सालिक बनाएको जनाएको छ । प्रकाशको २०७४ मंसिर ३ गते निधन भएको थियो ।