काठमाडौं । निर्वाचन आयोगले आगामी मंसिर २ मा प्रतिनिधिसभा र प्रदेशसभाको निर्वाचनको मिति प्रस्ताव गर्ने भएको छ ।

आयोगले पहिलो विकल्पमा २ मंसिरको मिति तय गरी सरकारलाई औपचारिक जानकारी गराउन खोजेको हो । यसका लागि बुधबार आयोगका पदाधिकारी प्रधानमन्त्री शेरबहादुर देउवालाई भेट्न जाँदैछन् ।

आयोगले यो सुझावको विकल्पमा मंसिर ५ को मिति पनि प्रस्ताव गर्ने भएको छ ।

यस अघि दुई चरणमा चुनाव गर्ने बताइए पनि फेरि एकै चरणमा चुनाव गर्ने विषयमा आयोगले तयारी अघि बढाएको हो ।

तर आयोगको परामर्शमा सरकारले निर्वाचन मितिको औपचारिक घोषणा गर्छ ।