काठमाडौं । यसै वर्षको बजेट निर्माणको क्रममा अनधिकृत व्यक्तिलाई मन्त्रालयमा पहुँच दिएर करकाे दर हेरफेर गरेको जस्ता गम्भीर आरोप लागेका अर्थमन्त्री जनार्दन शर्माले अन्ततः राजीनामा दिएका छन् ।

शर्माले आफूलाई आरोप लागेको जस्तो कुनै गल्ती नगरेको जिकिर गर्दै राजीनामाको घोषणा गरेका हुन् ।

बुधबार छानबिनका लागि उच्चस्तरीय संसदीय समिति गठनपछि शर्माले प्रतिनिधिसभामा आफ्नो कुरा राख्दै राजीनामा दिएका हुन् । उनले एउटा होइन हजारौं छानबिनका लागि तयार रहेको प्रष्टोक्तिसमेत दिएका छन् ।

‘छानबिनका लागि मार्ग प्रशस्त गर्दै आफ्नो पदबाट राजीनामा दिएको घोषणा गर्छु । छानबिनले ल्याएको तथ्य सत्यको लागि अगाडि उपस्थित भएर फेरि आफनो विषयवस्तु, आफनो अभियान, र कामलाई अघि बढाउने, देश र जनताको काममा लाग्ने प्रतिवद्धता व्यक्त गर्छु’ शर्माले भने, ‘मैंले गल्ती गरेको छैन । तपाईृहरुको आवाजलाई सम्मान गरेर राजीनामा दिएको हुँ । तथ्यमा गइदिनुहोला धन्यवाद ।’
राजीनाका क्रममा शर्माले १८ मिनेट बोलेका थिए ।

आफूमाथि झुठा र अनावश्यक लाञ्जना लगाइएको उनको भनाई थियो । छानबिन समितिलाई पूर्ण सहयोग गर्ने उनले बताए ।

शर्माकाे राजीनामा घाेषणाकाे भिडियाे

बजेटमा प्रश्न उठेपछि अर्थमन्त्री शर्माले दिए राजीनामा

एमालेलाई निवर्तमान अर्थमन्त्री शर्माको प्रश्न : मैले संसदमा बोल्ने दायित्व कसरी गुमाएँ ?

अर्थमन्त्रीमाथि छानबिन गर्न उच्चस्तरीय विशेष समिति गठन

अर्थमन्त्रीले झुक्याए : १३ दिन होइन तीन महिना सुरक्षित राख्नुपर्नेरहेछ सिसिटिभी फुटेज