काठमाडौं । कृषि विकास बैंकले स्थायी सेवाका लागि विभिन्न पदमा १५२ जनशक्ति माग गरेको छ ।

लोक सेवा आयोगको सहमतिमा बैंकले खुला, समावेशीअन्तर्गत अधिकृतदेखि सहायकसम्मका पदमा १५२ जनशक्ति माग गरेको हो ।

बैंकले व्यवसाय अधिकृतमा सबैभन्दा धेरै ४७ जनशक्ति मागेको छ । त्यसैगरी, लेखापाल ३४, व्यवसाय सहायक २३ र कर्जा अधिकृतमा १३ जना माग गरिएको छ ।

आगामी साउन १२ गतेसम्म सिंगल र साउन १९ गतेसम्म दोब्बर दस्तुर तिरेर आवेदन बुझाउन सकिनेछ ।

आवेदन अनलाइनमार्फत बुझाउन सकिनेछ ।

त्यसैगरी, बैंकले आन्तरिक बढुवाका लागि पनि प्रक्रिया अघि बढाएको छ ।