काठमाडौं । नेपालका लागि भारतीय राजदूत नवीन श्रीवास्तवले शुक्रबार नेपाली सेनाका प्रधानसेनापति प्रभुराम शर्मालाई भेटेका छन् । भेट शुक्रबार सैनिक जङ्गी अड्डामा भएको हो ।

सेनापति शर्माले बिहीबारमात्रै सेनाले नेपाल–भारत सीमानामा तारबार लगाउनुपर्ने प्रस्ताव गरेका थिए ।

सेनाको सीमा अनुगमन तथा सर्भे निर्देशनालयद्वारा जंगी अड्डामा आयोजित अन्तर्राष्ट्रिय सीमा सुरक्षा तथा व्यवस्थापनसम्बन्धी सेमिनारको समापनमा बिहीबार प्रधानसेनापति शर्माले खुला सीमा नियन्त्रणमा जोड दिँदै तार लगाउनुपर्ने प्रस्ताव गरेका हुन् ।

त्यसकै भोलिपल्ट उनलाई भारतीय राजदूतले भेट्नुलाई अर्थपूर्ण रुपमा हेरिएको छ ।

यता, नेपाली सेनाले भने भेटमा आपसी हित र पारस्परिक सहयोगका विषयमा छलफल भएको जनाएको छ ।

प्रधानसेनापति शर्मा हालैमात्र अमेरिका भ्रमण सकेर फर्किएका हुन् ।

भारतसँगको सीमामा तारबार लगाउन सेनापतिको प्रस्ताव