काठमाडौं । विदेशी मुद्राको सञ्चिति घटिरहेको भन्दै सरकारले विदेश भ्रमणमा कडाइ गरिरहेका बेला त्यसविपरीत कर्मचारीकाे धुइराे लागेकाे छ । केही घुमेर फर्किंसकेका छन् भने केहीचाहिँ अझै विभिन्न मुलुकमा छन् ।

आर्थिक वर्षको अन्त्यमा सञ्चय कोषका १० जना कर्मचारी एकैपटक विदेश भ्रमणमा गएका छन् । कोषका १० कर्मचारी अध्ययन भ्रमणका नाममा बुधत्रबार थाइल्याण्ड गएका हुन् ।

आर्थिक वर्ष सकिनै लाग्दा कोषकै रकम खर्चेर उनीहरू विदेश सयरमा निस्किएका हुन् । उनीहरू असार मसान्तसम्म फर्किनेछन् । कोषका कर्मचारी अध्ययन भ्रमण निम्ति थाइल्याण्ड गएको कोषका प्रवक्ता दामोदर सुवेदीले बताए ।

यस्तै भन्सार विभागबाट पनि हालै ६ जनाको टोली मलेसिया पुगेको छ । विभाग स्रोतका अनुसार कर्मचारीको उक्त टोली अहिले मलेसियामै छ । भन्सार प्रणाली आसिकुडा डेभलपमेन्ट ट्रेनिङका लागि टोली मलेसिया गएको भन्सार स्रोतले बतायो । नयाँ पत्रिका दैनिकमा खबर छ ।