को हुन् प्रेस युनियनको अध्यक्षमा विजयी भएका लम्साल ?

राजावादीको आन्दोलन अर्थहिन रहेको सभापति देउवाको भनाइ

नेपालवाच २०७९ साउन ८ गते २०:०६

काठमाडौं । आठ वर्षपछि भएको नेपाल प्रेस युनियनको नवौं महाधिवेशनबाट अध्यक्षमा शिव लम्साल विजयी भएका छन् । कांग्रेसको संस्थापनपक्षीय उम्मेदवार अनिता विन्दूलाई पराजित गरी लम्साल युनियनको अध्यक्षमा चुनिएका हुन् ।

प्रेस युनियन नेपाली कांग्रेसको शुभेच्छुक संस्था हो । तर पार्टीले विभिन्न खेमाले पदाधिकारीमा कसलाई उठाउने भनेर निर्णय लिएका थिए ।

वर्षौपछि महाधिवेशन हुँदा दोस्रो प्रयासमा भने लम्सालले बाजी मारेका छन् ।

निर्वाचित लम्साल अहिले योहो टेलिभिजनका प्रधान सम्पादक हुन् । पराजित विन्दू नेपाल टेलिभिजनमा लामो समयदेखि कार्यरत छिन् ।

लम्साल विकासटाइम्स डटकमका सम्पादकसमेत हुन् ।

आठौं महाधिवेशनमा लम्साल बद्रि सिग्देलसँग पराजित भएका थिए । तर आठ वर्षपछि फेरि अध्यक्षका लागि उम्मेदवार बन्दा भने लम्साल विजयी हुन पुगे ।

लम्सालले जनता टिभी, न्युज २४ टिभी, एभिन्युज, इमेज च्यानल र नेपाल वान टिभीमा काम गरिसकेका छन् ।

त्यस्तै, नेपालवाणी, हिमालय टाइम्ससहितका मिडियामा काम गरिसकेका छन् । लम्साल श्रमजीवी पत्रकारको हकहितको मुद्दा उठानमा सक्रिय रहँदै आएका छन् ।

युनियनमा जिते श्रमजीवी पत्रकारका मुद्दा विशेष रुपले उठाउने, पत्रकारको क्षमता अभिवृद्धिका काम गर्नेसहित मुद्दा उनले अगाडि सारेका हुन् ।