काठमाडौं । गुजरातको बोटाड जिल्लामा घरेलु मदिरा सेवन गरेर बिरामी भएका ४० जनाभन्दा बढीलाई अस्पतालमा भर्ना गरिएको छ । त्यहाँ मंगलबार बिहानसम्म २४ जनाको मृत्यु भइसकेको छ ।

४० भन्दा बढी बिरामीलाई उपचारका लागि भावनगर, बोटाड र अहमदाबाद पठाइएको छ । गुजरातका डिजिपी आशिष भाटियाले प्रहरीले अहिलेसम्म रक्सी बनाउने र बेच्नेसहित पाँच जनालाई पक्राउ गरेको बताएका छन् ।

दुर्घटनाको अनुसन्धानमा सहयोग गर्न गुजरात एटीएस मंगलबार बिहान बोटाड पुगेको छ । भावनगर रेन्जका आईजी अशोक कुमार यादवले डीएसपी दर्जाका अधिकारीले एसआईटीको नेतृत्व गर्ने बताएका छन् ।

यसका अलावा गुजरात एटीएस र अहमदाबाद क्राइम ब्रान्चले पनि यस घटनाको अनुसन्धान थालेका छन् ।