काठमाडौं । गायक तथा अभिनेता प्रशान्त तामाङलाई पुत्री लाभ भएको छ । उनकी श्रीमती मार्था एली तामाङले बुधवार विहान छोरीलाई जन्म दिएकी हुन् । प्रशान्तले छोरीका केही तस्विर सामाजिक सञ्जालमा सार्वजनिक गर्दै खुशी व्यक्त गरेका छन् ।

उनले छोरीको नाम ‘आरिया’ राखेको पनि जानकारी गराएका छन् । प्रशान्त र मार्थाले करीब तीन वर्षअघि विवाह गरेका थिए । मार्था पेशाले एयर होस्टेस हुन् ।

प्रशान्तको नयाँ चलचित्र ‘परदेशी २’ आगामी असोज १४ गतेबाट प्रदर्शनमा आउँदैछ । प्रशान्तले ‘इन्डियन आइडल ३’को विजेता बनेपछि ‘गोर्खा पल्टन’, ‘परदेशी’, ‘निशानी’, ‘अंगालो यो मायाको’, ‘किन मायामा’ लगायतका चलचित्रमा अभिनयसमेत गरेका छन् उनी गायन क्षेत्रबाट अभिनयमा लागेका हुन्