काठमाडौं । भारतमा कोेरोना संक्रकितको दर दिनप्रतिदिन बढ्दै गइरहेको छ । बुधबार मात्रै त्यहा २९ जना संक्रमितले कोरोनाका कारण ज्यान गुमाएका छन् भने नयाँ संक्रमित १७ हजार ४१५ जना पुगेका छन् ।

नेपालमा पनि कोरोनाको संक्रमित बढ्दै गइरहेका छन् । कोरोना बढेसँगै स्वास्थ्य मन्त्रालयले सूचना जारी गर्दै कोरोनाबाट बच्न आग्रहसमेत गरेको छ । त्यस्तै भारतमा सक्रिय संक्रमितको संख्या १ लाख ३९ हजार १५८ रहेको छ ।

बुधबार भारतको राजधानी दिल्लीमा एक हजार ६६ जनालाई कोरोना पुष्टि भएको छ भने २ जनाको मृत्यु भएको छ । विश्व स्वास्थ्य संगठनका अनुसार पछिल्लो पाचँ हप्तामा कोरोनाले ज्यान जानेको संख्या बढेको छ । केहि देशमा अस्पताल भर्ना हुनेको संख्या पनि बढ्दो रहेको स्वास्थ्य संगठनले जनाएको छ ।