काठमाडौं । जनता समाजवादी पार्टी (जसपा)ले नेत्री रेणु यादवलाई कार्यकारिणी समिति र राजनीतिक समितिबाट हटाएको छ ।

गत महिना वीरगञ्जमा बसेको केन्द्रीय समिति बैठकमा उनले राजीनामा दिएको घोषणा गर्दै पार्टीको कुनै भूमिकामा नरहेको बताएकी थिइन् ।

जसअनुसार पार्टीले उनलाई कार्यकारिणी र राजनीतिक समितिबाट हटाउनले निर्णय गरेको जसपाका एक नेताले बताए ।

यद्यपि, ४६६ सदस्यीय केन्द्रीय समितिमा उनको नाम भने कायम नै छ ।

एक महिनाअघि मन्त्रीबाट हट्नु परेपछि नेतृ यादव अध्यक्ष उपेन्द्र यादवसँग असन्तुष्ट थिइन् ।