नेकपा नेता केसी हत्याको आरोपमा एकजना पक्राउ

नेपालवाच २०७९ साउन २० गते १७:४१

काठमाडाैं । नेत्रविक्रम चन्द नेतृत्वको नेकपाका नेता लोकमान खत्री केसीको हत्या आरोपमा प्रहरीले एक जनालाई पक्राउ गरेको छ ।

जिल्ला प्रहरी कार्यालय सल्यान अनुसार पक्राउ पर्नेमा छत्रेश्वरी गाउँपालिका–१ का ४० वर्षीय टोपबहादुर खत्री रहेका छन् । मृतक केसीका परिवारले किटानी जाहेरीका आधारमा खत्रीलाई पक्राउ गरिएको प्रहरीले जनाएको छ ।

बिहीबार बिहान बागचौर नगरपालिका–१० मोख्लाको शिवगुफा सामुदायिक वननजिकै लोकमान मृत भेटिएका थिए ।

टोपबहादुरलाई उनको घरबाटै पक्राउ गरेको जिल्ला प्रहरी कार्यालय सल्यानका सूचना अधिकारी सन्तोष खनालले बताए ।