काठमाडौं । आक्रामक रुपमा नयाँ खेलाडीहरू भित्र्याइरहेको बार्सिलोना फुटबल क्लब संकटमा परेको छ । स्पेनिस ला लिगाले बार्सिलोनाका हालै अनुबन्धित नयाँ खेलाडी दर्ता गर्न अस्वीकार गरेपछि बार्सिलोना संकटमा परेको हो ।

फाइनान्सियल फेयर प्लेको कडाइको कारण देखाउँदै ला लिगाले बार्सिलोनामा आबद्द पाँच नयाँ खेलाडी दर्ता गर्न अस्वीकार गरेको हो ।

यतिबेला बार्सिलोना गम्भीर आर्थिक समस्यामा छन् । यसमा बाबजुत बार्सिलोनाले रोबर्ट लेवान्डोस्की, राफिन्हा, जुल्स कुन्डे, फ्रान्क केसी र एन्ड्रियस क्रिस्टनसेनलाई अनुबन्ध गरेको थियो ।

आर्थिक समस्या हुँदासमेत खेलाडी अनुबन्धमा आक्रामक देखिएपछि ला लिगाले बार्सिलोनाको नियतमाथि शंका गरेको छ । अब यसबारे अनुसन्धान हुने बताइएको छ ।

सिजनको पहिलो खेलमा पिएसजीको शानदार जित