काठमाडौं । सरकारले यसअघि राजस्व सचिव रहेका कृष्णहरि पुष्करलाई अर्थ मन्त्रालयको सचिवको जिम्मेवारी दिएको छ ।

बिहीबार बसेको मन्त्रिपरिषद्को बैठकले पुष्करलाई अर्थसचिव नियुक्तिको निर्णय गरेको एक मन्त्रीले जानकारी दिए ।

यसअघि मन्त्रिपरिषद्को बैठकले तत्कालीन अर्थ सचिव मधुकुमार मरासिनीलाई प्रधानमन्त्री कार्यालयमा सरुवा गरेको थियो । त्यसपछि तत्कालका लागि अर्थ सचिवको जिम्मेवारी पुष्करले नै लिँदै आएका थिए ।

यस्तै, सरकारले राजस्व सचिवको जिम्मेवारी रामेश्वर दंगाललाई दिएको छ ।

अनियमित ढंगले करको दर हेरफेर प्रकरणमा मुछिएका अर्थमन्त्री जनार्दन शर्माले सफाइ पाएपछि अर्थसचिव मरासिनीलाई अर्कोतिर सरुवा गरिएको हो ।