परदेशी-२ को प्रदर्शन मिति सर्‍यो, अब फागुनमा

नेपालवाच २०७९ साउन २९ गते १६:३८

काठमाडौं । नारायण रायमाझी निर्देशित चलचित्र परदेशी-२ को प्रदर्शन मिति सारिएको छ । असोज १४ मा प्रदर्शनमा आउने चलचित्र अब फागुनमै प्रर्दशनमा आउने चलचित्र टिमले जानकारी गराएको छ ।

तोकिएको प्रदर्शन मितिमा अन्य धेरै चलिचत्र लाग्ने भएकाले टिमले फिल्मको प्रदर्शन मिति सारेको हो । उक्त चलचित्रमा गायक प्रकाश सपुतले डेब्यु गरेका छन् । चलचित्रमा अभिनेत्री केकी अधिकारी, प्रशान्त तामाङ, दीलिप रायमाझी, नीर शाह, सुशील पोखरेल, सविन बाँस्तोला, रमा थपलिया, भीमा मैनाली, देवेन्द्र बब्लु, रोशनी कार्की, वर्षा शिवाकोटीलगायतको अभिनय रहेको छ ।