काठमाडौं । भारतिय चलचित्र लालसिंह चड्डाले तेस्रो दिन व्यापारमा २० प्रतिशत वृद्धि गरेको छ । चलचित्रले ३ दिनमै २७ करोडको व्यापार गरेको छ । १८० करोडको बजेटमा निमार्ण भएको चलचित्रले  शनिबार करिब ८.७५ करोडको व्यापार गरेको छ । यसअघि  चलचित्रल दोस्रो दिन ७.२६ करोड र पहिलो दिन ११.७ करोड संकलन गरेको थियो । चलचित्रलाई रक्षा बन्धनको अवसरमा प्रर्दशन गरिएको थियो ।

चलचित्रमा आमिर र उनकी पूर्वपत्नी किरण रावले संयुक्त रुपमा लगानी गरेका छन् । चलचित्रलाई अद्वेत चन्दनले निर्देशन गरेका हुन् । त्यस्तै यो चलचित्रसँगै प्रदर्शनमा आएको अक्षय कुमारको रक्षा बन्धनले तेस्रो दिन १० प्रतिशतले व्यापार वृद्धि गरेको छ ।

७० करोडको बजेटमा बनेको  ‘रक्षा बन्धन’ ले तेस्रो दिन झण्डै ७ करोडको व्यापार गरेको छ । यसअघि फिल्मले दोस्रो दिन ६.४ करोड र पहिलो दिन ८.२ करोड कलेक्सन गरेको थियो । यस अनुसार फिल्मले भारतबाट ३ दिनमा अहिलेसम्म २१.६ करोडको बक्स अफिस कलेक्सन गरेको छ । दुवै चलचित्रको व्यापार अगस्ट १५ अर्थात सोमबार बढ्न सक्ने व्यापार विश्लेषकहरुले अनुमान गरेका छन् ।

आमिरको चलचित्र ‘लालसिंह चड्डा’को प्रदर्शन मिति तोकियो