खानेपानीको धारा जडान गर्न प्लम्बरले मागे पाँच हजार घुस
काठमाडौं । काठमाडौं उपत्यका खानेपानी लिमिटेडमा कार्यरत सिनियर प्लम्बर गणेश बहादुर खुलाल घुस लिएको अवस्थामा अख्तियार दुरूपयोग अनुसन्धान आयोगको फन्दामा परेका छन् ।
महांकाल चौरस्थित शाखा कार्यालयमा कार्यरत सिनियर प्लम्बर रहेका खुलालले सेवाग्रहीसँग खानेपानी धारा जडान गरिदिन्छु भन्दै घुस मागेका थिए ।
खानेपानीको धारा जडान गरिदिने नाममा पाँच हजार रूपैयाँ मागेको भन्ने उजुरी परेपछि आयोगको टोलि टंगालबाट खटिएको थियो ।
घुस लिइसकेको अवस्थामा फेला परेको खुलालमाथि थप अनुसन्धान भइरहेको आयोगले जनाएको छ ।
प्रतिक्रिया