काठमाडौं । सिडीएस एण्ड क्लियरिङ (सिडीएससी) ले सञ्चालन गरेको मेरो सेयरको वेबसाइट आज साँझदेखि बन्द हुने भएको छ । सिडीएससीले एक सूचना जारी गरेर बिहीबार साँझ साढे ५ बजेदेखि एक दिनका लागि सम्पूर्ण सेवा बन्द हुने जानकारी दिएको हो ।

सूचनामा जनाइएअनुसार सिडीएससीले सञ्चालक गरेका मेरो शेयर, सि-आस्वा, वेब सिडीएएस, सिएनएस लगायतका सम्पूर्ण सेवाहरु एक दिनका लागि बन्द हुने भएका छन् ।

सिंहदरबारमा रहेको राष्ट्रिय सूचना प्रविधि केन्द्रमा रहेको डाटा सेन्टरमा जडान गरेका उपकरणहरु नयाँ सर्भर र्याकमा स्थानान्तरण गर्नु पर्ने भएकाले सेवा बन्द गर्न लागिएको सिडीएससीले सूचनामा उल्लेख गरिएको छ ।