तोलामा ४०० रुपैयाँले घट्यो सुनको मूल्य

नेपालवाच २०७९ भदौ ३ गते १०:४३

काठमाडौं । साताको अन्तिम दिन सुनको मूल्य तोलामा ४०० रुपैयाँले घटेर ९५ हजार ५०० रुपैयाँमा कारोबार भइरहेको सुनचाँदी व्यवसायी महासंघले जनाएको छ । बिहीबार छापावल सुन तोलामा ९५ हजार ९०० रुपैयाँमा कारोबार भएको थियो ।

आज तेजावी सुन तोलामा ९५ हजार कायम गरिएको छ भने चाँदी तोलामा १० रुपैयाँले घटेर ११ सय ८५ रुपैयाँमा कारोबार भइरहेको छ । बिहीबार चाँदी तोलामा ११ सय ९५ रुपैयाँ निर्धारित भएको थियो ।