बालेनले गरे हर्कलाई कूटनीतिक सम्बोधन : फोहर व्यवस्थापनमा देखाएको चासो सह्रानीय छ

स्थानीय तह उपनिर्वाचन : सबैतिर शान्तिपूर्ण ढंगले मतदान हुँदै

बालेनले गरे हर्कलाई कूटनीतिक सम्बोधन : फोहर व्यवस्थापनमा देखाएको चासो सह्रानीय छ

नेपालवाच २०७९ भदौ ५ गते १०:२३

काठमाडौं । काठमाडौं महानगरपालिकाका मेयर बालेन शाहले फोहर व्यवस्थापनमा सहयोग गर्ने र चासो राख्ने सबैलाई धन्यवाद दिएका छन् ।

शनिबार २८७ वटा फोहरका गाडी बञ्चरेडाँडा पुगेको जानकारी दिँदै उनल यसमा साथ र सहयोग गर्ने सबैलाई धन्यवाद दिएका हुन् ।

मेयर शाहले अब काठमाडौंलाई स्वच्छ र सफा कायम गर्ने दायित्वमा महानगर पछि नहट्ने प्रतिबद्धतासमेत व्यक्त गरेका छन् ।

‘काठमाडौं देशको राजधानी भएकाले यहाँ हुने राम्रा, नराम्रा कुराको देशभर प्रभाव रहने कुराप्रति हामी सचेत छौँ । यसैले देशभरबाट यहाँको विकास र व्यवस्थापनमा जुन किसिमको प्रत्यक्ष चासो देखिएको छ, त्यो सकारात्मक र सह्रानीय मानेका छौँ । यस किसिमको चासो र खबरदारीको सँधै आवश्यक रहन्छ । तपाईँहरूको साथ, चासो, अपनत्व र खबरदारी लागि हामी आभारी छौँ,’ उनले सामाजिक सञ्जालमा लेखेका छन् ।

केही दिनयता धरान उपमहानगरपालिकाका मेयर हर्क साम्पाङले फोहर व्यवस्थापन गर्न नसकेको भन्दै शाहको आलोचना गर्दै आएका छन् । साम्पाङले धेरै नै गिज्याउन थालेपछि शाहले पनि एकपटक जवाफ फर्काएका थिए ।

मेयर शाहले फेसबुक स्टाटसमार्फत कूटनीतिक पारामा साम्पाङलाई पनि सम्बोधन गर्न खोजेका छन् । तर, नाम भने लिएका छैनन् ।

यता, साम्पाङले पनि शाहलाई गाली नभएर सुझाव दिएको बताउँदै आएका छन् ।