काठमाडौं । नेपाल समाजवादी पार्टी (नेसपा)ले अध्यक्ष महिन्द्र राय यादवको संयोजकत्वमा निर्वाचन परिचालन समिति गठन गरेको छ ।

बिहीबार बसेको कार्यकारिणी समितिको बैठकले परिचालन समिति गठन गरेको हो ।

नेसपाका अध्यक्ष डा. बाबुराम भट्टराईको अध्यक्षतामा बसेको बैठकले समितिको सहसंयोजकमा पार्टीका सहअध्यक्ष गंगा श्रेष्ठलाई तोकेको छ ।

समितिमा सबै केन्द्रीय पदाधिकारी, प्रदेश इन्चार्जहरू र विभागीय प्रमुखहरू रहेका छन् ।

बैठकले मङ्सिर ४ गते हुने संघीय र प्रादेशिक निर्वाचनको घोषणापत्र लेख्ने जिम्मेवारी अध्यक्ष भट्टराईलाई नै दिएको छ ।

राष्ट्रपतिलाई बाबुरामको प्रश्न : चुनावको मुखमा ‘राष्ट्रवादी’ उत्तेजना फैलाउन खोजेको हो ?