काठमाडौं । गत जुन महिनामा जहाजकाे ककपिटमै कुटपिट गरेका दुई पाइलटको घटना यतिबेला सहतमा आएको छ । फ्रान्सका राष्ट्रिय ध्वजावाहक एयर फ्रान्सका ती दुई पाइलटको नाम कम्पनीले खुलाएको छैन ।

उक्त घटना हवाइ सुरक्षामा असर नपर्नेगरी तत्काल सामसुम पारिएको थियो । घटना दुई महिनाको भएपनि गत साता एयर फ्रान्सको हवाइ सुरक्षा बलियो नभएको भन्ने प्रतिवेदन सार्वजनिक भएसँगै यो घटना पनि बाहिरिएको हो ।

यस्तो घटना बाहिरिएसँगै कम्पनीले सुरक्षामा विशेष चासो दिने भन्दै दुवै पाइलटहरूलाई निलम्बन गरेको छ ।

जुन महिनामा भएको जेनेभा–पेरिस उडानमा उनीहरूले कुटपिट गरेका थिए । स्विट्जर्ल्याण्डबाट प्रकाशित हुने ला ट्रिबुन पत्रिकाका अनुसार पाइलट र को पाइलटले जहाज टेकअफ हुनेवित्तिकै एकअर्काको कठालो समातेका थिए ।

उडानकाे समयमा पाइलटहरू नै कुटाकुट गर्न थालेपछि विमान अवतरण हुनेवेलासम्म चालक दलका अर्का सदस्य पनि ककपिटमै गएर बस्नुपरेको थियो ।