काठमाडौं । नेपालले एक खेल अगावै केन्याविरुद्धको एकदिवसीय क्रिकेट सिरिज जितेको छ ।

भर्खरै सम्पन्न दोस्रो एकदिवसीय खेलमा केन्यालाई १७ रनले पराजित गर्दै नेपालले एक खेल अगावै सिरिजमाथि कब्जा जमाएको हो ।

घरेलु टोली केन्याविरुद्धको शुक्रबार भएको पहिलो एकदिवसीय खेल नेपालले ७ विकेटले जितेको थियो ।

केन्याको नैरोवीमा टस जितेर ब्याटिङ गरेको नेपालले ४९.२ ओभरमा सबै विकेट गुमाएर २३० रन बनाएको हो ।

नेपालका लागि कप्तान रोहित पौडेलले अर्धशतकीय पारी खेल्दै ७८ रन बनाए ।

यस्तै, देव खनालले ३७, सोमपाल कामीले २६ र ज्ञानेन्द्र मल्लले २५ रनको योगदान दिएका थिए ।

जवाफी ब्याटिङमा आएको केन्याले ४६.३ ओभरमा सबै विकेट गुमाएर ११३ रनमात्र बनाउन सक्यो ।

नेपालका लागि दीपेन्द्रसिंह ऐरीले ४, सोमपाल कामीले ३ तथा करण केसी, आदिल अन्सारी र पवन सर्राफले समान १ विकेट लिए ।

नियमित कप्तान सन्दीप लामिछानेको अनुपस्थितिमा रोहितले नेपालको कप्तानी गरेका थिए ।

नेपालले टि२० सिरिज पनि जितिसकेको छ ।

नेपालले केन्यालाई दियो २३१ रनको लक्ष्य