NepalWatch

News Portal For Eeverything In Nepal from Nepal

२०८१ असार ३० गते

पाकिस्तानले भारतसँग बदला लियो

काठमाडौं । एसिया कप टि–२० क्रिकेटमा पाकिस्तानले भारतसँग बदला लिएको छ ।

युएईमा जारी प्रतियोगिताअन्तर्गत गएरातिको सुपर चारको खेलमा पाकिस्तानले भारतलाई हराएर समूह चरणमा भोगेको पराजयको बदला लिएको हो ।

दुबई अन्तराष्ट्रिय क्रिकेट रंगशालामा भएको रोमाञ्चक खेलमा पाकिस्तानले भारतलाई ५ विकेटले हराएको हो ।

समूह ‘ए’को खेलमा भारतले पाकिस्तानलाई पाँच विकेटले नै पराजित गरेको थियो । यस जितसँगै पाकिस्तानले फाइनलमा पुग्ने सम्भावना बजबुत बनाएको छ । पराजयले भारत भने दबाबमा परेको छ ।

भारतले दिएको १८२ रनको लक्ष्य पछ्याएको पाकिस्तानले १९ ओभर पाँच बलमा पाँचै विकेट गुमाएर पूरा गर्यो ।

पाकिस्तानका लागि मोहमद रिजवानले ७१ रनको अर्धशतकीय इनिङ खेले भने मोहमद नवाजले ४२ रनको योगदान दिए ।

भारतका लागि विराट कोहलीले ६० रनको अर्धशतकीय इनिङ खेले पनि टोलीलाई जिताउन पर्याप्त भएन ।

जितसँगै पाकिस्तानले सुपर चारमा दुई अंक जोडेको छ । सुपर चारको शीर्ष स्थानमा श्रीलंका छन् । समान अंक भए पनि नेट रनरेटका आधारमा श्रीलंका पाकिस्तानभन्दा अगाडि छ ।

भारत तेस्रोमा छ भने अफगानिस्तान पुछारमा छ । शीर्ष दुई टोलीले फाइनलमा स्थान बनाउनेछन् । यसका लागि अझै दुई–दुई खेल खेल्न बाँकी छ ।

एसिया कप सुपर ४ : भारत र पाकिस्तान भिड्दै