ओलीको नाम झापा क्षेत्र नं ५ बाट सर्वसम्मत सिफारिस
काठमाडौं । मङ्सिर ४ गते हुने प्रतिनिधिसभा निर्वाचनका लागि नेकपा (एमाले) क्षेत्र नं ५ ले पार्टी अध्यक्ष केपी शर्मा ओलीलाई सर्वसम्मत उम्मेदवारमा नाम सिफारिस गरेको छ ।
सोमबार बसेको क्षेत्रीय कमिटीको बैठकले पूर्वप्रधानमन्त्रीसमेत रहेका ओलीको एकल नाम सिफारिस गरेको हो ।
यस्तै, क्षेत्र नं १ बाट रविन कोइरालाको एकल नाम सिफारिस भएको छ भने क्षेत्र नं २ बाट भने चार जनाको नाम सिफारिस भएको छ ।
जसमा पूर्वमहान्यायाधिवक्ता अग्नि खरेल, एमाले प्रदेश इञ्चार्ज देवराज घिमिरे, पवित्रा खरेल र ध्रुवकुमार शिवाकोटीको नाम सिफारिस गरिएको एमाले झापाले जनाएको छ ।
प्रतिक्रिया