एसिया कप जितेर श्रीलंकाले कति पुरस्कार पायो ?
काठमाडौं । युएई गएराति एसिया कप क्रिकेट २०२२ को उपाधि जितेको श्रीलंकाले ट्रफीसहित एक लाख ५० हजार अमेरिकी डलर प्राप्त गरेको छ । यो करिब १ करोड ९१ लाख नेपाली रूपैयाँ बराबर हो ।
यस्तै, उपविजेता बनेको पाकिस्तानले भने ७५ हजार डलर अर्थात करिब ९५ लाख ३६ हजार रूपैयाँ पुरस्कारमा चित्त बुझाएको छ ।
त्यसैगरी, प्रतियोगिताको सर्वोत्कृष्ट खेलाडी घोषित भएका श्रीलंकाका वानिन्दू हसरंगाले १५ हजार डलर अर्थात १९ लाख ७ हजार प्राप्त गरे ।
यस्तै, फाइनलका उत्कृष्ट भएका श्रीलंकाकै भानुका राजापाक्षले ५ हजार डलर अर्थात करिब ६ लाख ३६ हजार रूपैयाँ प्राप्त गरे ।
श्रीलंकाले फाइनलमा पाकिस्तानलाई २३ रनले हराउँदै छैठौं उपाधि जितेको हो ।
पछिल्लो समय श्रीलंकाको अर्थतन्त्र डामाडोल भएको छ । खेलाडीहरूले एसिया कप जितेर देशको दुःखमा केही मल्हम लगाएको विश्लेषण गरिएको छ ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया